KIG MAMOUT DA GOAN
Hennezh zo un droidigezh diwar ul levrig gallek, embannet gant Milan, hag a blij kalz d'ar vugale ... Siwazh, al levrioù brezhonek nevez evit ar vugale ne vezont ket implijet nemeur er skolioù, ha koulskoude e lavar ar skolaerien n'eus ket trawalc'h a levrioù ... Kit da gompren ...
KERZU (2012)
Ne oa bet graet nemet 300 skouerenn, goude droukverzh al levrioù all ... hag a-greiz-holl, abaoe miz Du, adalek saloñs Karaez, ez eo bet gwerzhet madik al levr, ken hon eus ranket advoulañ.
MAE 2015
Peurwerzhet al levr, peurwerzhet ar 400 skouerenn graet e Kerzu 2012, daou vloaz hanter goude. Advoulet e vo eta. Gouzout a reer e vo ket gwerzhet goustatoc'h en dro-mañ . N'eo ket aze emañ an dalc'h, met en arc'hant a ranker postañ en ur mouladur (gwirioù ha moulañ) ha paeañ rak-tal, ha ne deuio ket en-dro a-raok meur a vloaz.